我找到了!

多謝契妹KINKI

幫我留意到邊度有PINGU結婚公仔賣.( 荃灣新之城)

雖然PINGU隔離唔係PINGI, 但都好過無啦.

真係幾難搵呀.

 

Agnes & Alex Wedding

今天出席agnes & alex既婚禮, 好開心呀.

我都是今年偶爾撞到agnes呀. 佢係我初一同學黎架.

事隔咁多年在大家結婚既時候撞到, 可以互相分享喜悅!

願你倆終身都愛護,體諒對方啦 !

願alex 早日信主啦 !

 

This is my first time attending 天主教 wedding ceremony

 

仲有2個多月 ?

一到12月就覺得好快就到. 但係好多野都未安排呀.

突然開始緊張起來喇 , 驚自己有漏, 又好似無咩時間準備

12月要揀好歌,相,設計邀請咭,請帖.試衫.

 

 

 

蝴蝶樹揀相

6:45pm 去到蝴蝶樹, 揀到成9pm先走人.

揀相唔似法國會哂出來俾你揀.而係在monitor度睇. 又唔可以縮圖睇喎

睇得好辛苦呀.我地目標只係揀出40張. 都幾難揀.如果可以, 係可以揀80張架.由80張中再勾出40張. 最後最後...揀左49張. 本身包33張, 即加7張入相簿, 9張就要file.

到在49張相揀入相簿, 佢先縮圖俾我地睇咋

COMMENTS

第一個婚紗造型(STUDIO+理民府)-

台式D. 又好似唔係好襯我. 但都OK既.

第二個灰色晚裝造型(火車博物館)-

原來前面都幾V. 自己又唔係好睇得慣. 都OK既.

第三個黃色晚裝造型(烏溪沙村)-

呢個我都幾鐘意, 可能我又鐘意黃色既晚裝啦..

第四個紅色晚裝造型(中環夜景)-

估唔到出來又幾好喎..夜景D相都好靚呀.

 

整體出來, 唔係好STANDARD, 有COOL既, 有SWEET既,有開心既.都幾岩我既要求.

一個月後就有相睇喇  又幾快喎.

婚姻登記

11月14日一早就上網登記喇.

記得係婚期前3個月零14日登記先.

我地book左28/11 8:45am去交文件.

 

我地去左burger king食個早餐先, 食完就準時去到尖沙咀文化中心個婚姻登記中心喇.

嘩,原來都好多人呀. 可以的話早點(多15 mins)去啦.

去到要填份form呀. 都幾多資料要填.

交完又要等一陣, 等叫名, 再對番d資料.

由於我地在教堂行禮, 男方要作一個宣誓先 ;)

9:40am先走人. 跟住就趕返工喇.

 

蝴蝶樹影相

終於都到左11月影外景既日子喇.

揀衫篇-

婚紗1件

晚裝3件(灰色,黃色,紅色)

因為男禮唔包背心, 加左$680 ( 加多件晚裝, 本來得2件)

影相篇-

最後落實景點:

大埔理民府

火車博物館

烏溪沙村

中環夜景(立法局,匯豐,中銀,IFC)

 

行程(大約):

10AM 就到蝴蝶樹開始化妝

12PM 影STUDIO

12:30PM 出發入大埔 ( 車上食飯盒)

1:15PM 理民府

2:30PM 火車博物館, 好多人架, 著到咁都幾多人望住

3:45PM 烏溪沙村, 裡面好靚, 如果影相,有個阿婆響度收錢$100, 都俾左

5:15PM 去中環

7:00PM 到中環

8:30PM 回到蝴蝶樹

 

鳴謝:

歐仔,彩微- 借出7人車俾我地, 又入來烏溪沙村找我地.

永權- 充當司機車我地.

Anne, choi chun - 順路來到博物館睇我地.

謝謝各位幫忙呀

 

當天天氣都幾好..係夜晚有點凍.

COMMENTS:

化妝師KELLY-"TUM"左我地2個5支安瓶呀. 駛唔駛咁多呀...雖然覺得個BASE係幾好，唔乾。化妝師外出要加錢,如果唔係助手幫手, 呢D就唔慳得呀, 一定要加架!

化妝師造型－夜晚那個我最喜歡，沒有留意我大細眼喎

攝影師LYNN-都幾好人.幾NICE, d post都唔算standard呀.有咩idea都可以話俾佢知,唔會say no架.

助手小尊(掛) - 好幫得手. 好會攪笑.

以上係全女班..厲害

台灣既STYLE都可以, 不過都係樣樣要計錢囉..

11月天氣都算幾好呀. 好多人影, 去邊都撞到有新人在影, 同我地一樣 .HE

 

 

法國婚紗揀相

今天放工去左法國婚紗揀相喇.

一來就是一些合照先. 好快我地就篩選左一陣出來喇.

再來都是合照, 又篩選出來. 睇番d相, 好多都好standard. d角度就差d咁..唔係自己望到就好鐘意果隻啦...

到選單人照, fish 得兩張..梗係要哂佢啦..到我單人就選剩了6張度..

我地包22張相既..最後就落實25張. 即係只要多3張..都可以呀..

揀完相後梗係到叫你加coating等等既時候啦.

我都好決絕話唔加呀. 儘管她落了不少唇舌. 聽到好多已婚既朋友講都唔會再拿番出來睇, 有就算.

又說加大油畫, 轉本靚d既細相簿等等. 全部都無令我動搖.

因為我想睇softcopy仲多過睇hardcopy啦. 就算變色等, 而家有咁多photobook or hypo 果d. 自己排完板咪整本書仔..仲好..

不過要讚下個sales呀.但我唔記得佢個名. 因為雖然我只係加3張相. 最後咩都唔加. 但佢都無黑面, 又無講d咩說話, 仲有同我傾下計添...非常好呀 !

最後要到1月中先有相, 咁耐既

寄望11月果輯會岩自己鐘意既feel多d啦

法國婚紗影相

上星期仲擔心咁既心情今天點影婚紗相呢 ? 幸好我倆暫時有共識 !

今天可開開心心影相喇 

準備:

-花球,襟花

  我在花墟(palette, 無意間發現)租了一個絲花花球. 係黃白紫色露枝款, 我幾鐘意  $150(三日兩夜), 如果只係用來影相的話, 絲花都可以呀. 連攝影師都覺得好真. 因為佢話絲花碎花唔係太衛生.所以無絲花既碎花.要買真花..

 

-碎花

  在花店買了一些紫色花仔同埋小黃玫瑰

- 粉樸

-男士恤衫, 皮鞋

-蚊怕水

 

影相著平底涼鞋就得喇. 都唔會影到既..真係正...

那天我地食完早餐, 10點到, 幫我化妝既叫Rico, 近睇係好似Kelly呀..

而我地既攝影師就係Thomas, 助手係Mike.佢地都好Nice呀..

第一個造型係淺藍色晚裝..戴了小皇冠.. 跟住影左一些室內既佈景. 件晚裝我係無加錢.因為我地唔會要太多相. 果件又唔太差.

第二個造型就係大拖尾婚紗, 頭飾是蝴蝶, 影了一些鋼琴,SOFA,大水晶燈,酒吧景.

第三個造型係A-LINE婚紗,頭飾是碎花,  影了園景同水池景

今天天氣都頗熱呀..見都有人會出海影..應該仲熱...

影到4點就影完了..可以出食野喇 :D

 

整體都好滿意法國婚紗的服務態度 !

 

婚輔3

這兩個星期我同fish都發生一些溝通上既問題, 而問題所在在於雙方既性格, 亦都會對我倆將來踏入婚姻有影響。

今天傳道人見到我極不開心的樣子,就知道發生問題了.

用了整夜去了解我倆既問題。

 

 

深信堂

星期日去左深信堂睇睇, 睇下神預備既教堂係點先...

食完lunch就由教會行過去深水步,由嘉頓果度行上去. 都唔係好遠.

有個阿叔開門,佢好好人呀. 又好笑容, 我地走時仲恭喜我地.

入到禮堂, 有個阿姐仲帶我地去前堂俾我地影相, 仲開埋燈俾我地.

真係唔話得.

真係感恩呀. 各樣都好好

樂上加樂

今天最開心都是收到深信堂借堂申請獲批准的消息，我一直最擔心都是借堂的事。

神有時就是在一些掙扎位上試煉我們是否單單依靠祂，在人看來無希望的時候，祂就會開一條出路。 憑著信心，就會感受到神無盡的恩典 !

在尋找教堂時，我致電到好多間都說只接受雙方受浸者或是不外借等，只有信義宗的教堂有機會，而深信堂的牧師在8月初外遊及要待編教會年表才決定到。要教會先寫信才決定，適逢傳道人又放假，只好電郵資料給他。在這段時間我都有致電其他教堂，只因我在此事上都少信。

"深信" 實在太有意義了 ! 也提醒我要深信主必幫助我 !

感謝主的安排，為我們預備了教堂!

感謝何生放假都要幫我們寫推薦信，無言感激 !

如 經 上 所 記 、 『 　 神 為 愛 他 的 人 所 預 備 的 、 是 眼 睛 未 曾 看 見 、 耳 朵 未 曾 聽 見 、 人 心 也 未 曾 想 到 的 。 』

(林前2:9)

 

 

求婚

fish終於向我求婚了  (應該說終於算是合格的求婚..嘻嘻)

三天內三束花，第三束是 99支玫瑰，收了我人生第一束99支玫瑰，都幾開心呀 !

我製作晚餐時，原來他在房間用小蠟燭座砌了心型圖案及JS字樣，挺浪漫

再加上少少誠意(當然唔少得就係求婚介指啦)，我就答應了他的求婚

留下一個美好的回憶 !

雖然不是什麼好特別的求婚，不過不失，最重要他對我好，愛我 !  

 

 

 

 

虛驚一場

3/8 家計會打來通知我報告已出, 而我那份有少少問題, 要提早回去看報告, 那一刻好擔心呀. 究竟是什麼事呢 ? 之後約了 10/8 下午回去看報告。

我立刻通知fish, 他都好擔心。 之後都有問他如果醫生說我不適合生育怎樣好呢 ? 見他好認真的想, 他說不要緊, 叫我不用擔心, 最多咪領養一個小朋友。 我知道他好喜歡小朋友的，此刻知道他是好重視我，好感動。

在這一星期裡, 真是有點擔心。

10/8 回去看報告，原來只是膽紅素偏高，醫生說可能是在抽血那個月我曾經食過藥物(感冒藥)，會令到膽紅素偏高，之後回復正常，建議我2-3個月後再驗血。 得悉後都放心一點。

 

不過家計會的服務好一般，尤其是某姑娘的態度，想問清楚一點都唔得。

Vanesse L. 1st Fitting

今天約埋M.I.S. 去試婚紗晚裝, 俾D意見我.

婚紗自己又覺得無邊款好勁鐘意.

應該會選最後一款行教堂, 好特別架

另外維多利亞式果件就晚宴march in 著

 

至於晚裝, 好多都岩心水呀.

真係好難決擇添...

留待2nd fitting 再仔細揀啦...

 

我地3點去到時無咩人, 試到5-6點開始多人呀..

早d試會好d..空間會多d..唔會趕住同你試咁.

 

 

 

Book 教堂

終於都可以開始搵教堂喇.

時間不多.

因為bf未受浸,選擇非常少.要快d搵先.

早前問左深水步路德會救主堂, 有期及符合資格.

要再打去問問先.

希望神幫助我地找到教堂啦 !

 

 

名婚紗 1st fitting

星期六去左試衫, 因為老闆娘知道我唔響佢地度租衫, 所以都無咩理我了 ;)

今天主要同bf,媽咪,未來奶奶同妹去睇睇d衫.

男禮 -

佢都幾多款. 又有齊size, 都ok.

最後選了一件灰色男禮. 還要選多套白色的, 再睇下vanesse l.先決定.

馬褂-

選了金色長衣襯紅色背心仔

褂-

唔知咩名.多金銀少紅啦.

 

奶奶衫 -

選了一件粉紅色及一件紫色

 

媽咪衫 -

媽咪鐘意自己再響出面買, 所以只選了一件淺紫色的

 

伴娘 -

由於阿妹瘦, 好多件都ok.暫時confirm一件藍色的. 再睇睇出面果d先決定.

 

我也試了1eg 2 wg 俾佢地睇下

婚前輔導2

今天主要傾左家人在你心目中既位置, 同埋最近我倆之間一些小插曲.

本身我較固執, 所以當吵架時, 我就不易妥協。

傳道人要我想想有無別的方法。

另外, 當對方屢次不改的時候, 我不自覺又會說出"成日都係咁","都話..."等說話, 這些說話其實沒有幫助反而令對方反感.

要改真的好困難呀 ~~

 

反覆思想, 以下經文能幫助到我:

雅各書

1:19		我 親 愛 的 弟 兄 們 、 這 是 你 們 所 知 道 的 ． 但 你 們 各 人 要 快 快 的 聽 、 慢 慢 的 說 、 慢 慢 的 動 怒 ．
1:20		因 為 人 的 怒 氣 、 並 不 成 就 　 神 的 義 。

 

婚禮籌備進度

婚照	蝴蝶樹, 11月影
	法國婚紗, 9月影
婚前檢查	已做,家計會, 9月睇報告
婚紗,晚裝	Vanesse L., 17/8 1st Fitting
裙褂,馬褂	名婚紗,3 /8 1st Fitting
奶奶媽咪衫	名婚紗,3 /8 1st Fitting
新郎禮服	名婚紗,3 /8 1st Fitting
新郎恤衫	名婚紗,3 /8 1st Fitting
新郎皮鞋	有
繡花鞋	未買
晚裝鞋	未買
伴娘衫	未定
伴郎衫	自備
化妝	Chong Makeup-Vivian
最後試妝	未試, 婚期1個月前
水晶甲	未定
伴娘	Mabel
伴郎	Jonathan Pun
姊妹	未邀請
兄弟	未邀請
MC	未邀請
花球,襟花	婉君
花車	未定,可能借
花車佈置	未定,想找pingu,pingi既結婚公仔
攝影攝錄	純美新娘-東哥
敬茶
敬茶茶壺	未定
紙杯仔	未買
紅傘	有人俾我
教堂
教堂佈置	未book
婚禮籌委	心目中有人選了 :)
教堂程序表	未定
簽名布	婚照公司送
邀請咭	未設計
結婚介子	已買了
花仔	未定
花女	未定
酒席
婚宴場地	天澄閣
場地佈置	未定
糖果	未買
結婚蛋糕	酒樓送
晚宴歌曲	未選
片頭相片	未選
slide 生活照	未選
客人名單	未定
座位表	未定
簽名布	婚照公司送
簽名筆	未買
紅酒	爸爸買
中式餅咭	未買, 奇華
西式餅咭	未買, 美心
花球	婉君
喜帖	未定
利是封	未買
貼紙	未買
小禮物	未定
給兄弟姊妹RUNDOWN	未定
過大禮用品	未買

婚前輔導 1

今天第一堂婚姻輔導, 傳道人問了好多都無想過既問題.例如點解一定要在教堂舉行婚禮? 點解要選228?

還有對方點愛我. 兩個人既愛用咩來培養.

生活上既問題等等.

 

早前已做了一份功課. d問題都好仔細, 幫助了解自己同對方,希望日後仲記得啦 ;)

回想由我們拍拖到談婚論嫁, 當中都有好多唔開心既事, 尤其是選日子酒樓那段時間, 感恩就是神都帶領我們經過. 亦都俾我地更多了解對方. 兩個人在一起, 最重要就是互信互愛, 這樣就不難解決問題了. 還有神為我們的主嘛! 聖靈作多方提醒 !

凡事謙虛,溫柔,忍耐, 用愛心互相寬容,用和平彼此聯絡,竭力保守聖靈所賜合而為一的心。 (弗4:2-3)

 

婚宴場地

天澄閣

地址:
九龍紅磡灣紅樂道12號海韻軒海景酒店3 樓

(紅磡港鐵站附近)

另設免費穿梭巴士，每日下午6:30pm至10:30pm，每15分鐘一班住來天澄閣至紅磡港鐵站。

特色: 宴會廳面積 16000 平方呎，可容納 500 人；20 呎特高樓底，配以歐陸宮廷式包金水晶燈，裝修瑰麗典雅，盡顯不非氣派；加上星級貼心服務，巧手佳餚，天澄閣中菜廳全心全意為您營做滿分的美食享受。

 

本來我地打算選尖東彩晶軒, 場新, 新娘房正,地點都方便,價錢ok, 有朋友去過飲話d野好食.

點知.因為一些原因.不能在3月個婚展book,睇過d期又無咩選擇, 都好煩惱.

在婚展,無意間發現天澄閣, 當時新開4個多月.所以明年3月頭的期都仲有好多.

我地又去視察環境, 個場好靚, 22圍就可包場.新娘房都唔錯,又有2間麻雀房共8台,岩哂要求呀.因為我唔想大廳有人打麻雀好嘈咁.(最好無得打牌, 但屋企人好大反應呀 ) 真係好感恩.在這個時侯找到間好岩要求既酒樓呀. 我地之前都有祈禱同埋兩個定左要咩要求, 總算合哂喇. 神真係為我地預備呀 !

唯一擔心係地點呀.雖然在紅磡火車站, 但由火車站行過去都要7分鐘.同埋識行就好易行.

 

雙方家長見面就係去天澄閣,一齊在火車站行過去, 最初爸說唔就腳呀(預料之內). 去到酒樓,環境真係幾吸引,食物質素同服務都ok呀. 經理又說遲些酒店夜晚都有shuttle bus 接客人來. 都算解決了問題啦. 最後爸都接受, 雙方父母都ok. 就選定了.

再要選的就係個日子, 我地本來打算5月架. 5月加價唔知加幾多. 爸又想我地早d . 又要選d日子佢地接受喎..最後選了 2月28日呀. 都算易記 ..hehe..

 

 

Wedding Gown & Evening Gown

花了好多時間去選擇, 花多眼亂,實在好難選呀.

我第一間係去觀塘apm附近的工廈( 藝心) 試衫, 因為朋友介紹, 試左好多款, 款有好多.但d cutting 就差d咁. 我試了好多.cherry 同 bf 都無咩係點頭既. 婚紗更加睇唔岩. 咁岩撞到個多年無見既朋友 agnes, 佢咁岩又結婚, 佢bf alex仲醒左好多料俾我地. 邊間既eg靚呀.邊間同邊間差唔多呀咁..太好了 ! ;) 由於第一間試, 所以無book呀. 真係有點唔好意思 !

打後既日子就去了尖沙咀睇, 其實我都鐘意維多利亞果d.不過佢款唔多. 我又睇唔中哂.想一間過. 佢又唔算抵.因為分grade,要加錢. 最後無揀佢喇.

荃灣既灰姑娘d釘工係好靚好閃, 同唯美主義差唔多架.好多都係a-line款.其實我一般a-line款.service感覺一般. 唔考慮呢間啦.

最後選了 Vanesse L. Couture , 朋友話d衫幾靚. 上去睇又唔錯, 岩心水. 雖然無得試, 但WG同EG都睇得岩, OVERBUDGET之一, 一生人一次,轄出去啦 ;) BF都話呢間好嘛 !

其他衫呀.褂呀.男禮呀.就選了 佐敦名婚紗, 位置方便, 款式都多選擇,價錢好OK !

 

Pre-Wedding Photo

蝴蝶樹

我們選了這間,是因為喜歡較自然的外景,台灣style同埋影到一對新人都好sweet咁

package 包:

33張相連uv 24"

24x30"大相連油畫框

20張小本相簿

1本簽名冊

1個座檯相連架

我們會在香港拍攝, 自選三個景點.

暫定:

石澳

大潭

中環夜景

法國婚紗

酒樓送的coupon,主要影studio景.加左二千多元,包括:

22張相,19張24"相簿,15張 5*5相簿,7張散相, 24"油畫, 7寸連架

wedding Day Photo

純美新娘 (金都)

朋友介紹的

1 standard

1 videoman

連早拍晚播

 

MUA

由於個妝對新娘子來說好重要,加上我平時自己化妝唔化好過化,所以好擔心搵左個唔合心水既mua. 所以我上生易活同yahoo blog睇左好多好多comments.我big date果日又係2月最好日子,好多心水既mua已俾人book左了.vivian係may既partner,幸好佢未俾人book,神真係有預備呀 !

 

Chong Makeup  ---> My Choice

我搵左vivian幫我呀. 本來想找wing yip , 但佢已被人book左. 其後睇到kiko,佢好細心同好人.個妝都好靚.都係full左.

vivian好快手.尤其set頭,好多就換左個頭呀. 不過試妝時個妝淡左d.希望到時個妝會出d啦.

我試左一個mua就confirm左喇 !

Kiko

Wing Yip

Elaine Tsang

Sum Sum

Caroline Sze

Say So