20130420迪欣湖(21M3D)

今天約了IRIS佢地去迪欣湖，出門前已整定雞蛋、粟米，準備出門口之際，下大雨了。最近天氣不穩定，最原先都打算今天落雨多，點知早上稀有陽光。
打俾IRIS ，本來改地點，最後我都係想去迪欣湖，落雨最多轉去酒店影相。

感謝天父!我地帶著信心，照去。
首先，爸爸媽媽要醫肚，因為我地未食LUNCH ，去圓方果間BO-LO'GNE 買面包，呢間D面包真係非常YUMMY.但貴些.

2點半左右到迪士尼站，就行過去迪欣湖，約行十五分鐘。
妍妍搭車訓左陣，途中就醒左，一陣有精神玩喇。

去到遊樂場，非常少人喎! 
得小貓三四隻，妍妍見到韆鞦，就話要玩喇。她真是好大膽，完全唔驚玩，原來有D小朋友係好驚。
玩左好耐韆鞦，見天氣還好，就同佢換衫玩水喇! 
妍妍玩得好開心呀!佢緊係覺得好新奇啦!

玩完水就換衫，入公園坐低食野，玩下波，妍妍執下樹葉...6點就執野走喇.

(著裙扎辮既妍妍，真係女仔左好多呀! 哈哈)

20130404 兒童節去屏山圖書館

天氣: 又係陰陰天.都有少少雨


聽聞呢個係全港第二大,在今年2月28日才開幕的圖書館.
今早好早起床,去大快活食完個早餐.見天氣又唔係太差.就直接去搭西鐵.
由天水圍C出口出.經有蓋天橋行過去.浴路都不怕被雨淋.

我地只係花了一個多小時去.所以只去了二樓的圖書館.
環境好.書新.
妍妍唔太乖.掟書落地下 @.@
走來走去... @.@

行到一點, 借了幾本書就回來休息喇! 

20130401與表姐婆婆公公去愉景灣

天氣:陰天.無下雨
溫度: 23度

好難得! 有咩咁難得呢...首先就係天氣.落左幾天雨,終於今天天色較好. 第二個難得就係公公休息,可以一齊去愉景灣(兩老都係第一次去).第三個難得就係表姐都來呀.

我地大約約2時左右.在東涌搭車入去.
去到先在碼頭附近行下先.
妍妍唔小心跌左落地.擦損了手仔呀...(第一次)...流左少少血...媽媽就立即拿消毒棉片同膠布出來喇.
妍妍好好奇咁...

沿路上，妍妍跑到草地執樹葉 (她好喜歡執樹葉呀)
晴晴就跟住妍妍,表姐都好開心呀!

行左陣就返轉頭落沙灘玩沙，先餵佢食飯.好快就食完( 跑左一輪都肚子餓)
妍妍玩到好盡興,又灑在頭上,又放在口 .睇少一陣都唔得.

其實妍妍有些疲態,她今天還未訓覺喎 
但她太貪玩.又點會訓呀.
又去左PLAYGROUND 果邊玩左陣.

玩到差唔多就去ZAKS 食DINNER...
今天順便慶祝爸爸媽咪結婚35週年呀. 希望他倆往後日子相親相愛啦.
未到8點我地就各自解散.

我地就搭船(消費滿$100就可換船票). 妍妍在船上.玩了一輪先訓.
在船上.拿起單張.又刻意整跌.然後話"跌左喎" 哈哈...

今天都好開心呀! 可以同爸爸媽咪,晴晴一齊去郊遊