妍妍迦南富榮花園13年N班面試(15M2W2D)

11月2日(五)  妍妍迦南富榮花園13年N班面試

呢次係妍妍人生第一次既大考驗呀。今早只有媽媽同妳一齊去。原來都有好多，起碼9成都係兩個家長去，非常重視哦!

因為我單人去，所以要同妍妍一齊聽完簡介會先進行面試。呢兩日妍妍有些扭計，幸好今早去了便便，舒暢D，在學校沒有扭計呀!整個簡介會雖然唔會坐定定，撩下前面位個爸爸玩之外，都無嘈到，算係咁呀! 呼~

聽完簡介會就由黃老師負責IN妍妍喇。

首先帶妍妍去到一間房，有另一對在對角的位置IN緊。

妍妍坐低，老師就叫我拿番張申請表俾佢，同埋問妍妍相中人是否妍妍，妍妍識點頭呀!

跟住妍妍先玩膠積木仔，有3個疊住，妍妍想拆開呀，不過唔夠力，因為好實呀!老師就無叫佢砌番D 形狀，然後叫佢放番入個盒裡面，整理番D玩具，妍妍都做到。

之後就玩入錢箱，有幾個膠圓形叫妍妍放入由膠盒製成的錢箱，妍妍未玩過，我仲以為佢唔識添(
後記: 老公話星期日返教會時妍妍有奉獻呀，可能因為咁佢就記得喇!感謝主!) 妍妍好鐘意玩呢個。

然後，老師又問下我問題:

老師: 平時帶妍妍去邊呀?

我: 夏天去沙灘，平時會多帶佢去遊樂場，等佢見多D小朋友，對佢都好D.

老師: 小朋友邊個照顧呀?

我: 由麻麻照顧呀.返工之前就放去麻麻度,放工就接佢,有時食埋飯先走呀.

 

跟住叫妍妍指眼耳口鼻呀! 妍妍指左我對眼，老師個鼻，我既口、耳同頭髮。真係估唔到佢唔指自己呀!哈哈!

 

然後就認生果，有APPLE,ORANGE,BANANA.

其實妍妍見到已經好想玩，想用兩隻手拿添。老師叫妍妍拿個蘋果俾媽媽，橙俾老師咁。

 

老師: 妍妍平時鐘意食咩呀?

我: 香蕉、藍莓。

老師: 妍妍唔鐘意食咩呀?

我: 應該係橙呀! 怕酸呀。不過佢咩都食呀!

 

最後就係玩推車仔呀。

老師叫妍妍推架車仔俾媽媽，不過妍妍唔識放開手讓車仔行呀，只係拿住在檯面推前推後咋。呢PART就差D哦!

 

老師話要練習下呀!

 

走時，老師送左隻ANGRY BIRD俾妍妍，當然要謝謝，叫妍妍點頭呀!

妍妍仲想推凳，老師知道妍妍鐘意坐凳呀，仲教妍妍坐完要推番埋張凳添。

 

今次既INTERVIEW，唔知得唔得呢。

不過佢都收幾多人呀.上午67，下午67，比其他KG 收好多喎。

我鐘意佢校舍整潔、以故事形式教學、會有唱詩祈禱、有教材俾家長回家教小朋友。相信妍妍都會鐘意呢度呀，不過由屋企行過來要15分鐘。