谷奶
小B一出世, 護士就將這個眼都未睜開既小生命放在我的懷中, 讓她尋找媽媽的乳頭.
起初幾天, 我還未上奶, 但每次都要先讓寶寶嘗試, 待她有這個習慣才能成功餵哺.
到第五天, 開始谷奶還發燒, 在醫院還要用手擠奶, 都幾辛苦呀!
谷奶真的很辛苦, 好像放了兩舊鐵在心口!
阿B未退黃
出院後第二天返醫院覆診, check 到佢黃指數高, 即日要留院照燈, 探病時見到阿B雙眼被包實, 好可憐的樣子, 立時哭了出來! 原來照燈好慘架喎!
接下來, 每星期多次往返健康院同醫院, 因為阿B的指數還很高, 二百多, 要返醫院抽血.
到2-3個星期還未退, 真的很令人擔心, 醫生說餵母乳會慢d退. 但作為母親, 及身邊的人, 很擔心! 那時就有很多聲音"餵母乳咁麻煩呀" " 阿b有無食飽呀"之類, 真的令人覺得好煩惱! 一來已很擔心阿B的情況, 二來又打擊左餵母乳士氣, 好唔好繼續餵好??
醫生說, 大小便正常, 阿b有重就唔駛擔心, 會觀察住!
最後, 都係堅持餵哺! 由於阿B食10分鐘就退番出黎(嘆奶B), 所以我就1.5小時餵佢一次!
係辛苦d, 不過想佢食多d嘛!
兩星期的關口
若是堅持到兩個星期, 以後的日子就會餵到母乳了.
初時真的很痛, 會咬損, 會痛, 阿B有時唔肯食, 會掙扎, 真的要忍受一下,
慢慢就會習慣了! 只要想對阿B有益, 對母親也有益, 就堅持下去吧!
初時真的看不到成果,慢慢同阿B適應配合, 就好多了!
現時見到阿B體重重得幾好, 都有份滿足感呀! :)
問朋友
初初餵哺母乳, 真係咩都唔知架! 有問題就問下身邊D朋友, 真係好多謝Agnes, Hody,嫻表姑,Vanes...
嫻表姑既b同我既b case 差唔多, 又係好耐都未退黃, 問下佢點餵, 放心左好多呀!
沒有留言:
張貼留言